صبيي زغيرا بقلم الشاعر فؤاد أبو شقرا توثيق ياسمين جزائري

 صبيّي زغيّرا بقلم

 الشاعر فؤاد أبو شقرا 

صبيّي زغيَّرا ...... بِرفقة أبوها

عَباب الملْحمي بوَقْفي ذليلي

وْقيِّة لَحم ما قِدروا اشتروها

لِفك صيام ....... إيام الفضيلي

جياب المحفضة عم يجمعوها

وْحاصِل جمعها .... فكِّي قليلي

بْحساب الدين رِجعوا سجَّلوها

تحت حساب ...أرصدتو ضئيلي 

وْبِنَتفِة عَظم ..... عادوا زوَّدوها

وْبِصرَّه لَفهُن .... من بعد حيلي

خاف الناس ... بلكي يقشعوها 

وْبِعزِّة نفس ... وبخطوي جليلي

وْدَمع مخنوق عجفونو البليلي 

رجع عالبيت ... ينده يا أصيلي

جبت لولادنا .... أكلي اشتهوها  

هيذي غلتي ..... وْكل الحصيلي