زورق حلا بقلم الشاعر أ فؤاد ابوشقرا

 زورق حلا بقلم الشاعر 

أ. فؤاد ابوشقرا توثيق ياسمين جزائري 

زورق (حلا).بمينا عيوني سارحة

لا اليوم جيتي ولا مرقتي مبارحة

مينا عيوني . سيطر عليها الظلام

والمَيّ سودة .. والمراسي قارحة

تعوكر زماني ولخبط بعمري النظام

وما عاد عيني للملاحة ... صالحة

وزوق خيالي لْكان راسي بي سلام

تلاشى على امواج حلوي و مالحة

وماعاد طير الشوق بعد اليوم حام

ولا شلوح خضرا بي سنيني شالحة

قررت زور ديارها . وضوّي المقام

واِركع عباب القبر .. ركعة صالحة

ورحت اِمشي الدرب متألم حزين

وبكل فشخة كنت عم بقسم يمين

رح ضل زورك كل ما الدنيي دني 

بدمعتي الحمرا .. وعيوني الباكيين

ووصلت من بعد المشي.وكاسي غني

بدمعة عيوني كاسرو بنتفة حنين

وصرت بعذابي وبي بلاها اِعتني

واِِسكر مع النهدات مع جرحي الدفين 

واطلب عتاني كون تاخذني الدني

واِجمع حنين الروح بالدر الثمين